Mere Aatmaa Ki Pukaar-Chal Akela Chal by Dr Ram Lakhan Prasad - HTML preview

MAIN AKELA HOON

YAHAN

Maanaa ki ab main yahaan akela hi rah gaya

Judaai ka jakham mere seene mein rah gaya

Main rota raha ki koi chup karaane aayega

Par jisko chup karana tha wo hi rone laga

Ab kabhi ham tootate hain kabhi khwaab

tootata hai 

Na jaane kitne tukde mera sab armaan hota

hai

Ab toh unki judaai bhi ham se pyaar karti hai

Unki sabhi madhur yaaden hamko bekarar

karti hai

Wo kuchh din jo unke saath guzare the yaad

aate hai

Ab har roj talaash unko meri nazar baar baar

karti hai

Baytha hoon tanha ho kar unki yaad mein

yahan

Aur kuchh nahi unke yaadon ke siwa mere

paas mein yahan

Sochta hoon kya hua jo main baytha hoon aas

lagaye yahan

Registaan bhi to jeeta hai warish ke ass mein

wahan.

THODE DINO MEIN UNKE

PAAS JAANA HAI

Un dino ke pyaar mohabbat ke kisse to ab bekaar

huye

Ab jab bhi dekhta hoon mere dil ke tukade hazaar

huye

Un dino to is dil mein kabhi koi gham hi nahin

rahti thi

Unke pyaar mein itna dam tha ki yeh dil mauj

karti thi

Ab to har pal har lamha unki madhur yaad sataati

hai

Magar ab yeh judayi ke dukh dard har ghadi rahti

hai

Tere jaane ke baad ab tere yaadon ke sahare jeeta

hoon

Ab har roj yahan gham ke aansuwon ko pee raha

hoon

Kab tak yeh haal hoga kab tak yeh sab sahata

sahunga

Kab tak yeh silsila chalega kab tak yahin pada

rahunga

Kab talak main ayse hi tadapta aur bhatakta

rahunga

Kab talak main yahan in ghamon ko uthaata

rahunga

Diwaane tu kyun tadapta hai aur itna gham

uthata hai

Umar guzar jayegi thode dino mein unke paas

jaana hai.