Mere Aatmaa Ki Pukaar-Chal Akela Chal by Dr Ram Lakhan Prasad - HTML preview

LAGAN TERE MANN KI

AGAN TERE TANN KI

Tere isq ki agan lage to mera sara tann mann

hi jal jaaye hai

Jab teri lagan lage to meri saari sudhbudh bhi

kho jaaye hai

Tera swarg waas ho jaana aur mujh se

bichhad jaana

Mujh se paraya ho jaana laga mujhko bhoon

jaana

Phir jab teri yaadon ne jakada dil se tujhko

bulaana

Yeh isq ki agan lagi hai ab tann mann jalta hai

Sanjha lagti hai kaanta si hawa bhi dard laata

hai

Jab baate karti hai yeh raate sapne mein tu

aajaati hai 

Aankhon mein aansoo rahte hain

jab nazrom mein tu chhaa jaati hai

Is dil ka katra katra ab kahata hai 

Tere pyaar ko hamko phir se paana hai

Gar na paawoon tujhe to bilakh jaawoon

In season ko tere milan tak rakhna hai

Bina tere kya hai jeena, yeh jeena bhi kya

jeena hai

Tere isq ki agan lage to mera sara tann mann

hi jal jaaye hai

Jab teri lagan lage to meri saari sudhbudh bhi

kho jaaye hai.

@

TERE PYAAR PAR

MUJHKO NAAZ THA

Tere aseem pyaar par mujhko bada naaz tha

Us par sada ek bhina bhina sa ehsaas tha

Tere pyaar sa is duniya mein na koi khaas tha

Tere pyaar sa yahaan koi mera yaar na tha

Teri haanth jab pad jaati thi mere dil pe

Sab khidkiyan khul jaati thi mere dil ke

Jab bhi apne dil ko dhoondhta tha main

Tere dil ke kareeb paataa tha usko main

Dil dil se mil jul ke dhadakti thi wo

Badi natkhati muskurahat deti thi wo

Main pyaar mein tere lut gaya tha

Main pyaar mein tere jut gaya tha

Main banke deewaana tere isq ka

Tere dil hi mein kahin sama gaya tha

Apne dil mein teri tasveer ko sajaaya

Tere dil se apne dil ki pyaas bujhaaya

Tu har pal har samay mere kareeb thi

Teri pyaar har kadam mera saath thi

Tere aseem pyaar par mujhko bada naaz tha

Us par sada ek bhina bhina sa ehsaas tha 

@